₱20/K nga bugas iga-expand nationwide suno kay PBBM

Igabaligya na sang indi magdugay ang ₱20 kada kilo nga bugas sa bug-os nga Pilipinas paagi sa KADIWA stores suno kay President Ferdinand Marcos Jr. Ini tungod nga nagpain sang pondo ang gobyerno sang nagabalor ₱113 billion agud nga pasangkaron ang programa. Sa iya ikaapat nga State of the Nation Address (SONA), ginpahayag ni Marcos nga naka-roll out na sang ₱20/K nga rice program sa probinsya sang Pangasinan, Cavite, Bacolod, Cebu, Guimaras, Occidental Mindoro, Siquijor, and Davao del Sur. Sa karon, ginabaligya pa lang ang bugas sa mga senior citizens, person with disabilities (PWDs), 4Ps beneficiaries, kag solo parents. Samtang, nagpaandam naman si Marcos sa mga negosyante nga nagagamit sang ₱20/K nga bugas bilang pagbalibad agud iduso nga magnubo ang presyo sang palay nga ila ginabakal sa mga mangunguma.

Share this news

Leave a Reply

Your email address will not be published. Required fields are marked *