Ginkumpirmar ni City Legal Officer, Atty. Joseph Chiu nga wala nagtambong sa ila gintalana nga compliance conference ang management sang Artemis Salt Corporation nga ginpapanaugan sang abatement and removal order sang July 26, 2025.
Gintalana sang CLO ang compliance conference las-2 sang hapon, Hulyo 28, 2025.
Madumduman nga ginpapanaugan sang nasambit nga order ang asinan bangud sang pagbutang sang management sang kudal sa existing nga drainage system.
Suno kay Atty. Chiu, dayunon sang ciudad ang demolition sang ginbutang nga kudal sang asinan sa drainage.
Madumduman nga ginhatagan sang CLO sang 72 hours ang asinan agud boluntaryo nga kakason ang fencing sa drainage. | DYHB News