Ginpili nga suportahan liwat ni Negros Occidental 5th District Congressman Atty. Dindo Yulo si Leyte First District Representative Martin Romualdez bilang House Speaker sang 20th Congress bangud sang pag-ulikid kag suporta sini sa Cinco Distrito.
Sa interview sang DYHB kay Yulo, ginpahayag sini nga wala sila ginpabay-an ni Romualdez sa tion sang krisis kaangay na lamang sang nagapadayon nga kabudlayan bangud sang epekto sang Mt. Kanlaon kag sa bahin sang Social Services nga kinahanglan sang mga pumuluyo sang distrito.
Sa pihak nga bahin, ginpabutyag man ni Romualdez nga natalakay tanan ni Presidente Ferdinand Marcos Jr. ang mga importante nga butang sa iya nga State of the Nation Address (SONA) kahapon.
Suno kay Yulo, nagalaum siya nga mangin nationwide na ang implementation sang tag P20 per kilo nga bugas agud makatilaw man ang tanan ilabi na ang mga pumuluyo nga wala sang ikasarang.
Isa sa mga na-mention man sang Presidente ang importansya sang edukasyon kag ang problema sa paggamit sang mga classrooms bilang evacuation centers bangud sang paglupok sang Mt. Kanlaon.
Dako nga butang man para sa distrito ang pagtalakay kag marching order ni PBBM nga pasangkaron ang Philippine Crop Insurance Corporation (PCIC).
Dugang pa ni Yulo, madamo na sang inubrahan ang administrasyon pero indi man ma negar nga may mga Pilipino nga gutom pa sa dugang nga serbisyo.