Ginpasalamatan sang pamilya Mosquera ang personal nga pagpakig-unong ni Israeli Consul to the Philippines Moti Cohen sa haya ni Leah- Negrense caregiver nga nagtaliwan sa Israel nga nahamtang sa ila puluy-an sa Brgy. Guintorilan banwa sang San Enrique.
Suno kay May Joy, utod ni Leah, magluwas nga nagbisita si Mohen sa haya sang magulang, ginkamusta man sang Israeli Consul ang trabaho niya sa Israel bangod natalana pa ini nga magabalik sa trabaho sa Agosto 27.
Gindayaw ni May Joy ang kamaayo ni Mohen bangod sa kaalwan sini nga luyag nga magbulig sa iya bilang isa man ka OFW sa Israel kag sa pamilya nila sa Pilipinas.
Suno kay May Joy, madasig lamang palapitan si Mohen kun sila ang may concern nga mga OFW sa pungsod.
Rason nga dako nga bagay ang paghatag sang Israeli government sang bulig sa ila nga pamilya ilabi na sa paghikot sa lawas ni Leah.