Aprubado na ang saka sa sweldo kag dugang nga mga benepisyo sang mga empleyado sang Provincial Government sang Negros Occidental.
Ginpahayag ni Governor Bong Lacson nga gin-aprubahan na sang Sangguniang Panlalawigan ang salary increase sang Capitol employees kag mangin epektibo ini sa maabot nga Agusto 2.
Magalab-ot sa kabug-usan nga P33 million ang pundo para sa saka sa sweldo sa nabilin nga lima ka bulan sang tuig 2025.
Nahibaluan nga ini na ang ikaduha nga tranche sang ikaduha nga round sang salary increases para sa mga Capitol employees.