Opisyal nga gin-anunsyar sang Bacolod Gugma Foundation Inc sa koordinasyon sang City Government sang Bacolod nga patigayunon ang tuigan nga selebrasyon sang Masskara Festival sa Oktubre 1 tubtob Oktubre 19.
Highlights sang selebrasyon ang naka-schedule sa Oktubre 17 tubtob 19 kag ang pinakauna nga Grand After-Party nga patigayunon sa Oktubre 26.
Samtang, patigayunon naman ang official launching sang MassKara 2025 logo kag music video sa maabot nga Setyembre.
Isa sa mga ginalauman nga mangin kabahin sang selebrasyon ang pagbalik sang Street and Arena Dance Competition para sa mga estudyante nga wala natigayon matapos ang lima ka tuig.
[Photo from Masskara Festival 2025 Facebook]