Nakilala na ang bangkay nga nasapwan sa isa ka resto bar sa Helvetia Heights, Barangay Villamonte, Bacolod City sang Hulyo 30.
Ang biktima ang ginkilala nga si Jeremi Gavile, 33-anyos, kag residente sang Brgy. Handumanan.
Ginpahayag ni Police Lieutenant Annabellee Abalayan, Deputy Chief sang Police Station 4, positibo nga ginkilala ang biktima sang iya nga tiya.
Suno kay Abalayan, ang biktima ang gina-alegar kilala nga kawatan sa ila nga lugar rason nga ini ang may kaso nga thief kag robbery.
Nahibaluan nakaagi preso ang biktima bangod sa amo nga kaso.
Sa karun padayon ang imbestigasyon sang kapulisan angot sa motibo kag may kahimuan sang krimen.
Madumduman, nasapwan ang biktima nga may binun-an kag wala na sang kabuhi sang isa ka scrapper sa kilid sang sarado na nga resto bar kun sa diin may mga basura nga naukay.