WORLD NEWS- Liwat nga nangin aktibo ang KLUCHEVZKY Klyuchevskoy volcano sa Kamchatka peninsula sa Russia matapos ang 8.8 magnitude nga linog. Suno kay Russian Academy of Sciences’ United Geophysical Service, nagbuga sang abo kag lava ang amo nga bulkan, pila ka oras matapos ang linog. Nahibaluan nga ang amo nga bulkan ang isa sa pinakamataas nga bulkan sa bilog nga kalibutan. Madumduman, ang sentro sang linog ang na-eksperyensiyahan sa Kamchatka region nga nagresulta sa pagkaguba sang mga building kag pagka-injured sang pila ka mga residente. Maswerte nga wala sang may narecord nga ginbawian sang kabuhi sa amo nga insidente. Sa nagluntad nga linog, madamo sang pungsod ang nagpagwa sang tsunami warning.
