Ginlunsar sang Land Transportation Office (LTO) Region VI sa kolaborasyon sang Provincial Government sang Negros Occidental kag Department of Transportation ang LTO E-Patrol Mobile Service sa Provincial Capitol tinalikdan nga Hulyo 30.
Ang nasambit nga programa sang LTO ang naga-offer sang on-site vehicle registration, driver’s license applications kag renewals, free Theoretical Driving Course (TDC) lectures, kag iban pa nga mga road safety initiatives.
Tuyo sang “LTO on Wheels” nga maghatag sang essential LTO services direkta sa mga motorista partikular sa mga malayo nga mga lugar kag underserved areas.
Ginpatigayon sa amo nga launching ang live demonstrations kag rollout sang LTO R6/NIR E-Patrol Mobile Office, nga ginalakipan sang vehicle inspection, smoke emission testing, vehicle registration, kag licensing services.
Nagtambong sa aktibidad si Negros Occidental Gov. Bong Lacson nga nagpabutyag sang iya suporta sa inisyatibo sang LTO.
Magapabilin ang E-Patrol bus sa Capitol Grounds tubtob bwas nga adlaw kag magapadayun nga magalibot sa ciudad sang Bacolod kag sa mga ciudad kag banwa sang probinsya.
[Photos from PGNO]