CAPITOL REPORT – Ginklaro ni Office of the Civil Defense Region 6 Director Raul Fernandez nga kinahanglanon ang resolution nagikan sa Sangguniang Panlungsod ukon Sangguniang Bayan sang local government unit nga apektado sang paglupok sang Bulkan Kanlaon antes papaulion ang mga internally-displaced persons (IDPs).
Ginpahayag ni Fernandez, nga amo man ang chairman sang Regional Task Force Kanlaon, nga mangin kaundan sang resolusyon nga ginatugutan na sang local nga gobyerno ang mga IDPs nga magpauli kasunod sang pag-downgrade na sang alert level sang Bulkan Kanlaon gikan sa three panaog sa two.
Dugang pa sini, ang resolusyon ang magaserbe nga support document para sa pag-decamp sang mga IDPs sa apektado nga mga LGUs.
Magapabilin naman ang IDPs nga nagapuyo mismo sa sulod asng 4-kilometer radius permanent danger zone sang Kanlaon.
Sa session sang Sangguniang Bayan sang La Castellana subong nga adlaw, Hulyo 31, nagpasar sang resolusyon ang konseho kag buwas, Agosto 1, mahimo na nga makapauli ang ila mga IDPs.
Samtang, kaina amat-amat na nga ginpapauli sang Canlaon City, Negros Oriental ang ila mga IDPs sa pihak nga wala sang SP resolution bangud suno kay Mayor Batchuk Cardenas, mangin “moot and academic” na ini bangud sang pag-downgrade sang alert level sang bulkan.