Nagdangat sa 3,884 ang kabug-usan sang mga Negrense nga nagparehistro sa nahauna nga adlaw sang Comelec registration subong nga adlaw, Agosto 1.
Ini ang sandig sa Day 1 Output report nga ginpagwa sang Comelec-Negros Occidental may angut sa December 2025 Barangay kag SK Elections.
Base sa report, may pinakadamo nga nakaparehistro sa 1st District nga naglab-ot sa 758, ginsudan sang 672 sa 2nd District; 635 sa 5th District; 538 sa 6th District; 474 sa 4th District kag 340 sa 3rd District.
Samtang sa nagdangat naman sa 467 ka mga Bacolodnon ang nagproseso sang ila Comelec registration sa ciudad sang Bacolod.
Magalawig tubtob sa Agosto 10 ang gintalana nga adlaw sang registration nga ginapangunahan sang Comelec sa tagsa ka mga lokalidad sa Negros Occidental.