Nagapanindugan ang Negros Power nga may legal basis ang ila pagsukot sang bill deposit sa mga konsumidor.
Pagklaro ni Negros Power AVP Customer Service Maricel Pe sa interview sang DYHB nga magasukot lang sila sang bill deposit sa mga nautdan kuryente halin sang November 2024.
Iga-compute ang bill deposit pinaagi sa 12 months nga average bill sang konsumidor.
Dugang pa sini nga dapat ang tanan nga konsumidor sa idalom sang isa ka kooperatiba ang may deposito gid.
Apang sa ila nga na-check, kalabanan sang mga konsumidor sang Negros Power ang wala gid sang bill deposit magluwas na lang sa mga bag-o nag apply sa ila.
Sa tion nga mapaslawan bayad ang konsumidor, sarang lang mabuhin sa iya deposit ang bayad para sa nakonsumo sini nga kuryente.
Pagklaro ni Pe nga nagasunod ini tanan sa State Policy kag indi ubra-ubra lang sang kumbuyahan.
Sa pihak nga bahin, para sa mga konsumidor nga may deposit na nga daan sa CENECO sadto, sarang lang ini maka fill out sang form sa Negros Power agud mapasa man ini sang opisina sa CENECO. Pagkatapos sang 30 ka adlaw, ma credit na ang bill deposit sa account sang Negros Power.