Isa ka lalaki sa Rayong, Thailand ang ginbawian sang kabuhi samtang ginapalibutan sang ginatos ka mga basiyo sang beer matapos siya nagkaon sang pagkaon. Sa sulod sang pila ka bulan, wala na sang iban pa nga unod ang tiyan sang lalaki kundi alcoholic drink. Tinalikdan nga semana, nagpadulong ang workers sang Siam Rayong Foundation sa Ban Chang district sang Rayong matapos sila nakabaton sang report naangut sa pagkakuyap kag pagkalipong sang isa ka tawo. Ugaling lang sang tion nga nakaabot sila sa lugar, wala na sang kabuhi pa ang 44-anyos nga lalaki. Ang lalaki ang ginkilala kay Thaweesak Namwongsa, isa ka balo kag amay sang 16-anyos nga sultero. Suno sa iya nga bata, pila ka bulan na nga beer lang ang ginakonsumo sang iya amay. Dugang pa sini nga pagkapuli niya halin sa eskwelahan, nasapwan niya na lang nga tagamatayon na si Thaweesak. Sang nakaabot ang rescue didto ila nakita ang 100 ka mga empty bottles sang mga makahulubog nga ilimnon nga daw naka-display lang sa salog. Suno sa anak sang biktima, ginalutuan niya pirmi sang mainit nga pagkaon ang iya amay kada mag-abot ini halin sa eskwelahan apang, indi gid ini mapilit magkaon. Wala man sang may nahibaluan ang anak nga anu man nga health condition sang iya amay ang iya lang gid nga natalupangdan amo ang nangin palahubog si Thaweesak matapos ang divorse sini sa iya iloy.
