WORLD NEWS- Nautas ang kabuhi sang anom ka mga journalist sa pagpang-atake sang Israel sa tent nga nahamtang malapit sa entrance sa Al-Shifa Hospital sa Gaza. Base sa ospital, nalakip sa mga nagtaliwan ang apat ka mga journalist sang Al Jazzera- isa ka media outlet. Natabo ang pagpang-atake samtang yara sa tent ang mga journalist. Ginpahayag sang Israeli military, ang target sa amo nga pagpang-atake amo ang reporter nga si Anas Al-Sharif matapos nga ini ang gin-akusaran nga nagapamuno sang Hamas cell. Samtang suno sa Al Jazzera, ang mando nga pagpatay kay Al-Sharif ang desperado nga tikang sang Israel agod mapahipos ang mga residente sa lugar kag kun ano ang tuod nga nagakatabo sa lugar. Nahibaluan si Al-Sharif ang isa sa mga maisog nga journalist sa Gaza.
