Mabaton na sang mga empleyado sang ciudad sang Bacolod ang second tranche sang salary adjustment sugod sa Agosto 15, 2025.
Suno kay Mayor Greg Gasataya, yara sa 1,300 employees sang ciudad ang makabaton sang second tranche sang salary increase.
Ang makabaton sang salary increase amo ang mga regular employees, plantilla casuals kag subong man mga city officials.
Sa pihak nga bahin, nagtukod na sang technical working group (TWG) ang ciudad pinaagi sa Executive Order No. 29, nga amo ang magapatuman sang guidelines sa implementasyon sang ₱7,000 nga medical benefits para sa mga empleyado.
Mangin chairperson sang TWG si City Administrator, Atty. Mark Mayo.
Ini ang santo man sa Section 7 sang EO No. 64 ni President Ferdinand Marcos Jr. nga naga-authorize sang paghatag sang medical allowance para sa qualified government civilian personnel. | DYHB News