Naaresto ang duha ka mga wanted persons sa probinsya sang Negros Occidental kahapon nga adlaw, Agosto 11, 2025.
Sa ciudad sang Escalante, nadakop sang mga katapo sang Escalante Component City Police Station (CCPS) alas-6:22 sang aga sa circumferential road sang Sitio Gondoy, Barangay Hacienda Fe.
Ini ang paagi sa ginprimahan sang Executive Judge sang Regional Trial Court (RTC), Sixth Judicial Region, San Carlos City nga may petsa Agosto 13, 2003.
Ginkilala ang suspek kay alyas “Ayot”, 45-anyos, laborer, kag residente sang Sitio San Pablo, Barangay Cervante.
Ginrekomendar naman sang nasambit nga korte ang nagabalor ₱100,000 nga piyansa.
Samtang, naaresto naman sang Bago CCPS ang suspek nga akusado sa pagpangawat alas-1:08 sang hapon sa Rafael Salas drive, Barangay Lag-asan, ciudad sang Bago.
Ginkilala ang akusado kay alyas “We-we”, 18-anyos, resort staff, kag residente sang Purok Paraiso II, Barangay Taloc sa amo nga ciudad.
Naaresto ini paagi sa warrant of arrest nga pirmado sang Presiding Judge, MTCC, Sixth Judicial Region, Bago City nga may petsa Hulyo 15, 2025 kag ginrekomendar ang piyansa nga nagabalor ₱10,000.