PROVINCIAL CAPITOL – Nagsaka na sa walo ang mga ginbawian sang kabuhi sa Negros Occidental bangud sang masakit nga dengue.
Ini ang base sa report sang Provincial Health Office, as of August 2, 2025.
Nagdangat na sa kabug-usan nga 3,813 ang na-record nga mga kaso sang dengue sa probinsiya humalin Enero 1 tubtob Agosto 2 sini nga tuig.
Ini ang 1,466 nga mas madamo ukon 62.46% nga mas mataas kun ikumparar sa 2,347 nga nabalhag sa pareho nga period sang nagligad nga tuig.
Nagapanguna sa gihapon sa may pinakamadamo nga kaso ang Bago City nga nagdangat sa 898 kun sa diin isa ang napatay.