Sin-o bala ang indi nanamitan magkaon lumpia? Basta gani may okasyon, matic, “target locked” basta may lumpia. Lumpiang tauge, veggies ukon shanghai man, dapat indi gid madula sa handaan. Ginaulan sang pagdayaw sa social media ang litrato sang lumpia nga ginluto ni Lorelin Feliciano Sia sang Malabon City para kuntani sa pamahaw sang iya pamilya. komento sang pila ka mga netizan “perfect lumpia,” “Mas hamis pa kun ipaanggid sa guya.” Suno kay Lorelin, indi perpekto ang iya lumpia pero iya ginsiguro nga “with love” ang pagluto sini. Suno sa iya, gusto niya lang nga limpyo kag maayo ang food preparation para sa iya pamilya. Kun imo makita sa litrato, tuman ka hipid sang pag wrap ni Lorelyn sang lumpia kag daw wala lang sang tinabuan, daw matahap kapa gani magkaon bangud sang katahum sini. Sa karon may masobra 3.2K shares na ang litrato sang lumpia ni Lorelyn.
