Nagapanawagan sang hustisya ang pamilya sang isa sa mga bangkay nga nasapwan sa ciudad sang Talisay Kahapon, Agosto 11.
Ginkilala ang isa sa mga bangkay nga si alyas Mars, 47-anyos kag residente sang Purok Pedring, Barangay Estefania, ciudad sang Bacolod kag nasapwan alas-2:20 sang kaagahon sa Hacienda San Isidro, Barangay Concepcion.
Sa interview sang DYHB sa utod sang biktima nga si Marilou, ginpahayag sini nga ulihi niya nga nakit-an ang iya manghod sadtong Domingo sang aga samtang naga-limpyo ini sang iya motor kag wala na ini makapauli domingo sang gab-I.
Suno kay Marilou, Lunes sang gab-I,nakit-an sang iya nga bata ang balita may angut sa nasapwan nga nga tatlo ka bangkay kag wala man ini nagalaum nga ang isa diri ang iya manghod apang sa ila pagpadulong sa punerarya sa Talisay, ila ginkumpirmar nga si Mars ang isa diri bangud sang iya panapton kag motor.
Sa karon, wala pa sang may natumod ang pamilya may angut sa posible may kahimuan sang krimen.
Nagapanawagan man ini sa suspek nga naghimo sang brutal nga pagpatay sa iya manghod nga magsungka sa kapulisan.