Nagdangat na sa 59 ang kaso sang typhoid fever sa ciudad sang Bacolod humalin Enero tubtob Agosto 2 sini nga tuig suno sa pinakaulihi nga datos nga ginpagwa sang City Health Office (CHO).
Ini ang mas mataas sang 31.1 percent kumparar sang nagligad nga tuig sa pareho nga period nga may yara lamang sang 45 ka kaso ang na-record sang CHO apang isa sa ini ang nagtaliwan.
Ang mga barangay naman nga may kaso sa nasambit nga sakit amo ang Barangay Mansilingan kag Handumanan nga may tag-anom; Barangay Bata kag Taculing nga tag-lima, kag tag-apat naman sang Barangay Estefania, Sum-ag, Mandalagan, kag Tangub.
Ang typhoid fever ukon “tipus” isa ka balatian nga makuha sang isa ka tawo paagi sa pag-inom ikon pagkaon sang kalan-on nga kontaminado sang higko sang tawo nga may dala kagaw ukon bacteria nga Salmonella typhi.