Wala na sang kabuhi sang nasapwan sang iya hinablos ang lalaki nga senior citizen samtang nagahigda sa katre sa sulod sang iya balay alas-7:20 sang aga, Agosto 12 sa Sitio Labugon, Barangay Nanunga sa banwa sang Hinigaran.
Sa imbestigasyon sang Hinigaran Municipal Police Station (MPS), ginkumpirmar sang pamilya sang biktima nga nagaisahanon lang ini nga nagapuyo sa iya balay kag anay man ini nag-antos sa sakit nga kidney kag arthritis.
Nagapati naman ang pamilya sang biktima nga wala sang foul play sa iya kamatayon.
Gindala na ang bangkay sang biktima sa punerarya kag ginpaidalom sa medico legal examination.