Magasaylo sang opisina ang Person with Disability Affairs Office (PDAO) sa ginhawanan nga Sangguniang Kabataan (SK) Federation Office sa Brgy. 16, Bacolod City.
Ini ang ginkumpirmar ni PDAO head Alma Gustilo. Suno kay Gustilo, nakita na sini ang floor plan gikan sa City Engineer’s Office kag ginahulat na lang kon san-o suguran ang renovation sa daan nga SK Federation Office.
Madumduman nga ginhawanan sang City Legal Office sang Hulyo ang SK Federation Office matapos wala nagamit sang pila na ka tuig kag ginhimo pa nga talyer kag parkingan.
Sa karon naga-opisina ang PDAO sa replica sang Bacolod City Government Center (BCGC) sa public plaza. | DYHB News