NEGROS ORIENTAL- Gindayaw ni Police Regional Office- Negros Island Regional Director Police Brigadier General Arnold Thomas Ibay ang Negros Oriental Police Provincial Office angot sa narekober nga ₱10,200,000 nga balor sang ginapatihan shabu sa Purok Kalubihan, Barangay Bajumpandan, Dumaguete City, pasado las-10 sang gab-i sang Agosto 14.
Ang suspek ang ginkilala nga si alias “Franklin”, 41-anyos, kag residente sang Brgy. Buntis, Bacong.
Natigayon ang operasyon pinaagi sa informant sang Dumaguete City Police Station- City Drug Enforcement Unit angot sa illegal nga transaksyon sa lugar.
Ginpanginbulanan ni Ibay ang mga operatiba bangod sila ang nangin alerto, kag ginhimo ang nagakaigo nga tikang agod mangin madinalag-on ang operasyon.