Na-rescue sang Anti-Mendicancy Team sang Department of Social Services and Development (DSSD) kag Police Station 1 ang 15 ka mga kabataan nga nagapakilimos kag nagalambiyong sa ciudad dis oras sang gab-i.
Ini nga mga kabataan ang nalabayan sang team sa guwa sang isa ka mall sa Brgy. Mandalagan kag nahibaluan nga madugay na ang mga ini nga nagapakalimos sa lugar.
Naaktuhan man sang team ang mga solvent boys sa Bacolod Public Plaza. Nalakip sa na-rescue ang 17-anyos nga lalaki nga halos indi na makalakat bangud sang ginabatyag nga sakit sa tiil.
Ang 17-anyos ang gindala sa hospital kag ginabulong sa karon. Apat sa 15 ka mga na-rescue ang mga babayi. Gindala ang mga na-rescue nga kabataan sa youth home kag hatagan sang intervention.
Suno kay DSSD head Dr. Richelle Verdeprado-Mangga, ang mga na-rescue nga kabataan nagakinahanglan sang proper case management agud mahibaluan ang bulig nga dapat ihatag sa mga ini.
Na-rescue ang mga menor de edad sang Agosto 13, 2025. | DYHB News