Sa tinutuyo nga mangin transparent, magabutang na ang ciudad sang Bacolod sang QR codes sa mga infrastructure projects.
Sa press conference ni Mayor Greg Gasataya, ginpahayag sini nga natalana siya nga magpaguwa sang executive order (EO) angut diri.
Makita sa QR codes ang title sang proyekto, budget, duration kag engineer in-charge. Paagi man sa QR codes, sarang makapalab-ot sang reklamo angut sa proyekto.
Ginaklaro sang alkalde nga ang QR codes ang para lamang sa mga proyekto sa idalom sang City Engineer’s Office kag iban pa nga opisina nga may infrastructure projects. | DYHB News