Nagapanindugan si Silay City Mayor Joedith Gallego nga indi ini pabor nga sa Imbang kag Hinalinan river pagakuhaon ang tubig para sa Bulk Water Project sang Probinsya.
Sa ginpagwa nga eksplenasyon sang alkalde, ginpahayag sini nga pwede man lang man ang nga ini makakuha sang tubig sa Malogo river kay supisyente ang volume sang tubig nga naga ilig diri.
Suno kay Gallego, tuman ka subo sang ila nangin kahimtangan sang nagluntad ang El Niño tinalikdan nga tuig.
Bangud sang shortage sa tubig sa pila ka parte sang Guimbala-on, halos nahubas na ang mga bubon kag dutay naman katama ang tubig nga naga-ilig sa suba.
Ini amo ang isa sa mga nagapanguna nga rason kun ngaa indi siya pabor nga diri kuhaon ang tubig para sa nasambit nga proyekto.
Ginpahayag pa ni Gallego nga paano na lang ang mga residente nga may mga ginapatubog nga kasapatan kag ang iban pa nga nagapangisda kasubong man ang mga may talamnan.
Pahanumdom sini nga wala sang paghinulsol nga naga una.
|Joedith Gallego, facebook