NEGROS ISLAND- Ginkilala sang Police Regional Office- Negros Island Region ang mga Top-Performing Units sa rehiyon bangod sa ila nangin maayo nga hinimuan nga serbisyong pambuliko sa rehiyon.
Ginkilala kag ginhatagan sang award ni Police Brigadier General Arnold Thomas Ibay, Director sang PRO-NIR , ang Negros Occidental Police Provincial Office bilang Best Police Provincial Office, samtang Best City Police Office ang Bacolod City Police Office, Best Component City Police Station ang Bayawan Component City Police Station, kag Best Municipal Police Station amo ang La Castellana Municipal Police Station.
Nangin Best Provincial Mobile Force Company naman ang 2nd Negros Occidental Provincial Mobile Force Company, Best City Mobile Force Company amo ang Bacolod City Mobile Force Company.
Nakabaton naman sang “Medalya ng Papuri” sanday PCMS Rene E Costas kag PCMS Nobel A Marcasote nga pareho nga police officer sang Silay City Police Station ini angot sa pagresponde sang indi magnubo sa lima ka minuto.
Ang amo nga pagkilala ang nagapakita nga nangin epektibo ang implementasyon sang 5-minute response policy pinaagi sang isa strategic deployment sang mga personnsl, pagpasanyog sang pagpatrolya, kag husto nga paggamit sang communication resources.