Nadugangan ang mga lugar nga kun diin pwede maka-avail ang mga benepisyaryo sang 20 pesos kada kilo nga bugas nga programa sang gobyerno. Nag-expand ang Department of Agriculture (DA) sa Laoag City, Ilocos Norte; Roxas City, Capiz; Baloy, Cagayan de Oro City, Misamis Oriental; kag San Jose, Occidental Mindoro. Ini ang mangin available para sa mga mangunguma suno kay DA Secretary Francisco Tiu Laurel Jr. Suno pa kay Laurel, magapadayon sa pag-expand ang ini nga programa nga may katuyuan nga malab-ot ang 15 milyones ka mga panimalay sa masunod nga tuig. Kun madumduman, nagsiling si President Bongbong Marcos sa iya ikaapat nga SONA nga mangin available ang ₱20/K nga bugas sa KADIWA stores sa bilog nga Pilipinas matapos nga nag-alokar ang gobyerno sang ₱113 billion para i-expand ang amo nga programa. Nag-alokar naman si Marcos sang ₱10 billion nga pondo para sa ini nga programa sa 2026 suno sa DA.
