CONG ALBEE NAGPAATHAG ANGOT SA WALA NAPANAGTAG NGA BACCHP CARDS
“Card is really not a necessity,” ini ginklaro ni Bacolod City lone district Congressman Albee Benitez naangut sa concern sang pila ka mga pumuluyo sa delay nga pagpanagtag sang Bacolod Comprehensive Health Program (BacCHP) cards.
Sa exclusive interview sang DYHB kay Benitez, ginpahayag sini nga klaro kag specific ang iya ginhatag nga instructions sa mga BacCHP liason officers nga naka-deploy sa mga partner hospitals sang ciudad kag ina amo ang indi na pagpabudlayan pa ang mga Bacolodnon nga wala ma-releasan sang card.
Pahayag sini nga imbes pangitaan sang BacCHP cards, ginadiretso na check sang mga liason officers ang record sang member halin sa ila nga system.
Ginpaathag man sini nga ang kapin P8,000 ka mga wala na-release nga BacCHP cards sa Bacolod amo ang wala ma-claim sang mga members sa Bacolod Express Services Office (BESO) ukon ang nga IDs nga may ginpaliwat nga spelling sa pangalan.
Bangud nga nakita sang konggresista ang dako nga bulig sang BacCHP sa mga pigado nga nga pumuluyo, ini nangin isa man sa iya priority bills.
Ginpahayag sini nga ila na ginaplastar ang pag-institutionalize sang BacCHP sa diin may nasuguran na siya nga proposed bill kag sa karon, ila nalang gina-finalize ang research.
Ini agud nga may “sense” na ang mangin discussion sini kaupod ang mga concerned department kag agency.
Pahayag pa ni Benitez nga malipayon ini karon nga makita na ang pag-implementar sang zero balance billing sa mga Department of Health (DOH) hospitals.
“Access to medical attention is far from reach,” pahayag sang Konggresista.
Ginpakigbahin man sini ang ila pag-istoryahanay ni Department of Finance Secretary Ralph Recto sa diin ginpahayag sini nga may tyansa mga ma-include ang mga LGU nga pwede madugangan ang assistance.
Suno kay Benitez nga pinaagi sini, basi pa lang pwede ma-tap ang mga charity wards sang mga private hospitals agud nga indi na mabudlayan pa ang tanan.