BACOLOD CITY- Nakoreber ang P680,000 nga balor sang ginapatihan shabu sa ginpatigayon nga drug buy bust operation sa Purok Lubi, Barangay 3 sa ciudad sang Bacolod, pasado las-2 sang kaagahon, Agosto 21.
Ang suspek ang ginkilala nga si alias “Beb”, 46-anyos, wala sang trabaho, kag residente sa amo nga lugar.
Base sa rekord sang Bacolod City Police Office- City Drug Enforcement Unit, narekober sa suspek ang ginabulubanta 100 grams sang ginapatihan shabu.
Ginkabig nga isa ka high value individual si Beb apang wala ini nalakip sa listahan sang Barangay Anti-Drug Abuse Council (BADAC).
Natalana nga magapangatubang sang kaso nga paglapas sa Republic Act 9165 ukon Comprehensive of Dangerous Drugs Act of 2002 ang suspek.