Nagdihon na si President Ferdinand ‘Bongbong’ Marcos Jr sang legal team nga amo ang magatutok sa isyu kag magapasaka sang nagakaigo nga kaso sa mga imbolbado sang mga palpak nga mga flood control projects.
Ginpahayag ni PBBM, padayun lang ang ila pag-asses sa mga record sang Department of Public Works and Highways (DPWH) kag sa mga dalagkuan nga mga contractors kun sa diin igakonektar sini ang mga reports nga makuha sa ‘Sumbong sa Pangulo Website’.
Samtang, nakadepende naman sa kun mangin nationwide ang pagpasaka sang kaso kag ini ang isa sa mga pagatutukan sang legal team.
Suno sa Presidente, ‘useful’ kag mangin daku nga bulig ang mga ginahatag nga impormasyon sang publiko pinaagi sa pagsulat kag pagpanugid sa ginlunsar nga website.
Pahayag ni PBBM, madamo pa nga proyekto ang kaangay sang natabo sa concrete river wall project sa Baliuag, Bulacan nga ginkabig isa ka ‘ghost’ project rasun nga indi ini mag-untat nga ungkaton kun sin-o man ang yara sa likod sang mga anomaliya sang flood control projects.
[Photo from PCO]