Ginklaro ni Negros Occidental 6th District Congresswoman Mercedes Alvarez nga indi sakop sang iya trabaho ang pagpatigayon sang mga flood control projects.
Ginpahayag ni Alvarez nga ang papel sang mga congressman amo ang pagbalay sang mga layi samtang ang pagpatuman sang mga flood control projects ang trabaho sang Department of Public Works and Highways (DPWH).
Ginpabutyag sini nga mahimo nadalahig ang mga congressman sa issue sang flood control projects bangud ang budget hearing ang nagasugod sa Kamara de Representantes.
Samtang, ginkumpirmar ni Alvarez nga wala ini sang may nabaton nga report nga may nagkalaguba nga flood control structures sa iya nga distrito.