Nagapanawagan si Police Major Rondyl Tapang, Hepe sang Bacolod City Police Office 3 (BCPO 3) sa mga pumuluyo nga indi dapat magpadala sa kahulugbon kag dapat man nga mag-inom lamang sang kun ano ang masarangan agud malikawan ang ginamo.
Ini matapos nga may mga kabataan nga nagsumbaganay sa Barangay Bata samtang nagaselebrar ang barangay sang Tapsanay Festival kagab-i, Agosto 24.
Suno kay Tapang, ang rason sa pagsumbaganay sang mga kabataan amo ang pagginutok sang lugar kag bangud nga yara sa idalom sang impluwensya sang makahulubog nga ilimnom ang mga ini.
Nakaagom naman sang pilas sa kilay ang isa sa mga imbolbado kag gilayon man nga ginhatagan sang first aid.
Ginpahayag ni Tapang nga dapat disiplinado ang isa ka tawo ilabi na gid kun nakainom kag magpaumpaw na lang.
Suno naman kay Kap Remus Abaring , yara ang presensya sang mga kapulisan kag may mga marshal man sa palibot sa amo nga okasyon kag gilayon nga narespondehan ang insidente.
[Screengrab from Alcriz Flores/Facebook video]