Mangin isa sa mga venue ang Bacolod City Public Plaza sang mga matag-adlaw nga aktibidad para sa selebrasyon sang Masskara Festival 2025 nga magasugod sa Oktubre 1 kag magatakop sa Oktubre 19.
Ginpahayag sang Bacolod Gugma Foundation Inc., mangin venue isa ang Plaza sang mga daily activities kag entertainment nga pagalakipan sang live bands, cultural presentations, kag sectoral shows.
Igapahamtang man sa lugar ang 101 ka mga food kiosks sa bahin sang Gatuslao, Gonzaga, and San Juan Streets samtang may masobra 40 ka mga food carts naman ang maga-station sa posryon sang Rizal Street sa atubangan sang San Sebastian Cathedral.
Patigayunon naman ang road closure sa palibot sang public plaza sumugod alas-3 sang hapon sa kabug-usan nga schedule sang selebrasyon kag may igapahamtang man nga mga portalets sa palibot.
Agud masiguro ang seguridad, padayun nga igapatuman ang ‘No Backpack Policy’ kag pagpasanyog sang police visibility.
Nahibaluan nga nagapadayun sa karon ang rehabilitation sa public plaza kag ini ang ginalauman nga matapos antis pa man magsugod ang selebrasyon sa bulan sang Oktubre.