BACOLOD CITY- Nautas ang kabuhi sang isa ka empleyado matapos naaksidente samtang nagakay-o sang mixer hose machine sa isa ka factory nga nahamtang sa Barangay Mansilingan sa ciudad sang Bacolod, sang tinalikdan nga Lunes, Agosto 25.
Ang biktima ang maintenance staff sa amo nga factory.
Ginpahayag ni Police Captain Dax Santillan, Station Commander sang Police Station 7, samtang nagatrabaho ang biktima sa sulod sang machine, aksidente ini ang napaandar sa iya nga upod, nga gintunaan sang isa ka disgrasya.
Gilayon nga gindala sa ospital ang biktima apang ini ang gindeklarar nga dead on arrival.
Hungod nga wala ginhingadlan ang biktima bangod possible may settlement sa tunga sang pamilya kag tag-iya sang kompaniya sa amo nga insidente.