Naglab-ot sa 924 ka mga Negrense sa Sur nga bahin sang Negros Occidental ang apektado bangud sang mabaskog nga pag-inulan tuga sang Southwest Monsoon ukon Habagat.
Ini ang sandig sa update nga ginpagwa sang Provincial Government as of 5pm, Agosto 27, 2025.
Base sa rekord, ang 924 ka mga indibidwal ang ginkabug-usan sang 247 ka mga pamilya gikan sa anum ka mga barangay sa apat ka mga Local Government Unit.
Pinakamadamo diri ang 636 gikan sa ciudad sang Kabankalan, ginsundan sang 144 sa banwa sang Ilog, 110 sa ciudad sang Sipalay kag 34 sa banwa sang Cauayan.
Gilayon naman nga ginpatigayon ang pag-evacuate sa pila ka mga apektado samtang padayun nga gina-monitor sang otoridad ang lakat sang panahon.
Wala naman sang may na rekord nga casualty ukon nasamaran sa bangud sang malain nga tiempo.