Ginpaidalom sa livelihood skills training ang 32 ka mga vendors sa Bacolod Public Plaza.
Ang mga vendors ang mga kabahin sang Bacolod Public Plaza Vendors Association nga ginpaidalom sang City Cooperative and Livelihood Development Office (CCLDO) sa training sa paghimo sang beef tapa sang Agosto 15 kag longganisa naman sang Agosto 26.
Samtang sa bwas, Agosto 28 ipaidalom naman sa paghimo sang dishwashing liquid ang mga vendors. Ginapatigayon ang training sa BAYS Center.
Suno kay CCLDO head Brenda Burdeos, preparasyon ini para sa mga vendors pananglitan maapektuhan ang ila pangabuhian bangud sang mga construction kag developments sa plaza.
Sa nahibaluan nga ginasuguran na karon sang Tourism Infrastructure and Enterprise Zone Authority (TIEZA) ang mga developments sa Bacolod Public Plaza. | DYHB News