CategoriesPROVINCIAL CAPITOL – Nagpasar sang resolusyon ang Regional Disaster Risk Reduction and Management Council sa Negros Island Region nga naga-institutionalize sang paggamit sang “Bakwit Cards” sa mga lugar nga apektado sang paglupok sang Bulkan Kanlaon.
Ginpahayag ni Office of the Civil Defense NIR Director Donato Sermeno III nga isa ini sa mga resolusyon nga gin-aprubahan sa First Full Council Meeting sang RDRRMC-NIR kahapon.
Napagkit sa Bakwit Card ang ngalan sang head of the family kag kun pila ang myembro sang pamilya, subong man kun ano ang ila nga pagadal-on kag diin sila nga evacuation facility magapadulong sa tion nga mag-alburuto ang Kanlaon.
Paathag ni Sermeno, tinutuyo sang Bakwit Card nga mapadasig ang pag-evacuate sang mga pumuluyo kun maglupok ang bulkan.