LA CASTELLANA- Halos nagdoble na ang kalaparon sang Tamburong Creek sa Barangay Biaknabato, suno kay Kagawad Allan Tomakin.
Ginpakigbahin ni Kagawad Tomaquin sa DYHB RMN Bacolod, nga sadto ang kadalumon sang creek ang yara kapin 20 feet apang sa karun kaangay na ini sang isa dalan.
Samtang ang kalaparon sadto sang creek ang yara sa kapin 13 metre apang sa karun yara na sa ginabulubanta masobra 20 metre.
Nahibaluan nga ang distansya sadto sang creek kag taytay ang yara sa 12 metre apang sa karun ang yara na lamang 3 metre.
Suno kay Tomakin, nagsugod tapang ang duta sa creek sang tinalikdan nga Hulyo, rason nga ila ini ginkahangawaan bangod kun may yara sang tuman ka baskog nga pag-ulan ini ang nagaresulta sang pagbaha.