Temporaryo karon nga ginatatap sang isa ka foundation ang walo ka mga menor de edad nga na-rescue sa ginlimpyuhan kag ginpasiraduhan nga building sa 4th Street Lacson, Bacolod City.
Suno kay City Administrator, Atty. Mark Mayo, yara sa paghinakop sang foundation sa Brgy. 18 ang nasambit nga mga menor de edad. Apang suno kay Atty. Mayo, lab-uton gid sang ciudad ang ginikanan sang mga ini.
Samtang, ang mga adults naman nga na-rescue ang ligwa nga mag-desisyon kon diin makadto matapos napahalin ang mga ini sa building.
Ginabantayan man sang ciudad ang iban nga lugar sa Bacolod nga posible sayluhan naman sang mga ini. Una naman nga ginpahayag ni Atty. Mayo nga kalabanan sang mga nag-istar sa building ang indi mga Bacolodnon. | DYHB News