Nagtipon ang nagkalain-lain nga exhibitors
halin sa Association of Negros Producers – Food Sector sa diin ila ginpakigbahin ang mga food innovations gamit ang ila mga produkto.
Ini ang igabaligya kag iga-display sa palaabuton nga Negros Trade Fair (NTF), sa iya ika-39 nga tuig kag may tema nga “Himbon”—isa ka tinaga nga nagabuot silingon “to gather.”
Ang nasambit nga event ang patigayunon sa September 23–28, 2025 sa SMX Convention Center Aura, Taguig City.
Iga-feauture diri ang nagkalain-lain nga kategorya kaangay sang Food, Fashion, Gifts (Décor and Homestyle), Natural and Organic, Tourism, kag Furniture and Furnishings.
Pinaagi sini, sarang ma-showcase sang mga entrepreneurs ang ila mga produkto kag maka-connect sa mas malapad nga merkado.
Pila sa mga ginserbe nga mga pangkaon sa community dinner amo ang Sarisa Fiesta Nachos with salsa cruda and guacamole made from Sarisa chips, Cajeta Ice Cream made with goat’s milk, Pork Sinigang sa Aligue, kag Adlai Paella with native free-range pork Chorizo Recado. Ang ini nga mga offerings ang naga-highlight sang fresh kag innovative nga pamaagi sa pag-usar sang local products.
Ang community dinner ang ginpakigbahinan nanday Elgon, Ereneta Manaloto Chorizo, Kusina Jamora, Ading’s, Mumshie, Rensel’s Food Products, Clara’s Food Products, Shiena’s Homemade Products, Virgie’s Homemade Products, kag Inasalan sa Dalan.
Francis Pabiana