Nakarekober sang nagkalain-lain nga mga kontrabando ang Bureau of Jail Management and Penology- Negros Island Region (BJMP-NIR) sa sulod sang Negros Occidental District Jail- Male Dormitory matapos ang ginapatigayon nga greyhound operation, kahapon nga adlaw, Setyembre 2.
Ginpatigayon ang greyhound operation bangod sa mga intelligence report kag mga impormasyon nga ang pila ka mga Persons Deprived of Liberty ang nagahupot sang mga unauthorized items lakip na ang smartphones.
Natigayon nga narekober sang mga jail officer ang mga nagkalain-lain nga kontrabando kaangay sang mga patalom, heater equipment, steel bars, improvised bat nga sarang magamit bilang deadly weapon.
Ginpasiguro sang BJMP nga wala sang may nagluntad nga untoward incidents kag nagkooperar ang mga PDL sa amo nga operasyon.
Suno sa BJMP-NIR, ang ginpatigayon nga greyhound operation ang kabahin sa padayon nga kampanya angot sa pagsiguro sang safety, disiplina, mag siguridad sa sulod sang jail facility.