Gintalana subong nga adlaw sang Enforcement Unit sang City Legal Office (CLO) ang paghawan sang mga flower vendors nga nagaplastar sa sidewalk sa Rizal Street, sakop sang Brgy. 10 kag Brgy. 12, Bacolod City.
Suno kay Enforcement Unit head Levy Pangue, napadal-an na sang notice ang mga flower vendors nagligad nga bulan.
Nahibaluan nga ang mga legal nga nagabaligya sang bulak ang nagaplastar sa likod sang BAYS Center.
Hawanan man sang CLO Enforcement Unit ang mga nagabaligya ukay-ukay kag sapatos sa tabok sang mga flower vendors.
Suno kay Pangue, naga-operate lamang ang mga nagabaligya ukay-ukay kag sapatos sa nasambit nga lugar bangud sang clearance halin sa barangay. | DYHB News