Arestado ang isa ka manunudlo sa Sitio Tap-ok, Boulevard, Brgy. Enclaro, Binalbagan, Negros Occidental matapos ini madakpan sang Philippine Drug Enforcement Agency (PDEA) nga nagabaligya sang ginaalegar iligal nga droga.
Ang suspek ang ginkilala kay alyas Joffel, 42 anyos, isa ka High Value Target (HVT), soltero kag residente sang nasambit nga lugar.
Nakumpiskar sa posisyon sang suspek ang siyam ka plastic sachets sang suspected shabu nga ginabulubanta nagabug-at sang 25 grams, nakuha man ang marked money nga gingamit sa buy-bust kag gray coin purse.
Magapangatubang naman sang kaso nga paglapas sa Republic Act 9165 ukon ang Comprehensive Dangerous Drugs Act of 2002 ang suspek nga titser.