WORLD NEWS- Nautas ang kabuhi sang 11 ka gina-alegar terorista ukon “Narcoterrorists” matapos ang pagpang-atake sang US sa isa ka drug-carrying vessel sa Sur nga bahin sang Caribbean nga nagikan sa Venezuela. Base sa social media post ni US President Donald Trump, gintarget sang US military operation ang mga miyembro sang Venezuelan gang Tren de Aragua nga ginapatihan nagasakay sa amo nga vessel. Santo sa alegasyon ni Trump, ang amo nga vessel ang yara international water kag nagatransport sang illegal narcotics nga natalana nga igadeliver sa US. Suno sa presidente, nautas ang kabuhi sang 11 ka mga ginapatihan terorista samtang wala naman sang may nasamaran sa bahin sang US Forces sa amo nga pagpang-atake. Ginapangabay ni Trump nga ang amo nga insidente ang mangin abiso para sa mga nagaplano nga magdala sang droga sa pungsod. Sa karun wala pa matumod kun ano nga sahi sang droga ang karga sang gin-atake nga vessel.
