BACOLOD CITY- Natalana nga maga-request ang Bacolod City Police Office sang masobra 800 ka mga police personnel sa Police Regional Office- Negros Island Region headquarters angot sa preparasyon sa pagsaulog sang Masskara Festival 2025 sa bulan sang Oktubre.
Ginpahayag ni BCPO Director Police Colonel Joeresty Coronica, ila sa karun ginapropose sa regional office ang 898 ka mga personnel para sa augmentation sa palaabuton nga kapiyestahan.
Ginabasehan sang BCPO sa deployment sang kapulisan sa mga festival sites amo ang aktibidad nga ginpreparar sang Gugma Foundation.
Nagalaom si Coronica nga ma-approbahan ang ginahingyo nga augmentation para sa nagahilapit nga kahiwatan agod makabulig sa BCPO personnel nga mapasiguro sang kalinong, katawhay kag masadya nga Masskara Festival sini nga tuig.