BACOLOD CITY- May person of interest na ang Bacolod City Police Office- Special Investigation Task Group sa nagluthang sa driver sang Cosmpolitan Christian Church sang tinalikdan nga Agosto 24, matapos narekober ang salakyan nga gingamit sang gunman sa banwa sang Don Salvador Benedicto.
Madumduman ang biktima ang ginkilala nga si Efren Banagloryoso, 59-anyos, residente sang Brgy. Granada kun sa diin ini ang ginpaarakan luthang sa gwa sang ginatrabahuan nga simbahan
Ginpahayag ni BCPO Director Police Colonel Joeresty Coronica, base sa natipon nga impormasyon sang SITG, ginpahulam sang tag-iya ang salakyan sa isa ka naga-engage sa buy and sell bangod natalana na kuntani ini igabaligya.
Apang suno naman sa naghulam, iya ini ginpahulam sa iya parente rason nga ini ang nagpanginwala nga siya ang may kahilabtanan sa krimen.
Sa karun nagatipon sang nagakaigo nga ebedinsya ang kapulisan magluwas sa narekober nga salakyan agod mapasakaan sang kaso ang ginalantaw indi magnubo sa duha ka mga suspek.
Dugang pa ni Coronica, mas nagnubo ang possibilidad nga mistaken identity ang motibo sa pagluthang kay Banaloryoso bangod nakita sa CCTV nga ang salakyan sang gunman ang makapila ka beses nagbalik-balik sa lugar antes ang krimen.