Isa ka lalaki halin sa Tanzania ang nagkadto sa ospital bangud nagareklamo siya sang hinali lang pagsakit sang iya tuo nga dughan, sa diin siya ang nasorpresa sang iya nahibaluan nga may ara siya sang daku nga kutsilyo nga nabilin sa iya dughan sulod sang walo ka tuig. Ang mga doktor sa Muhimbili National Hospital sa Tanzania bag-o lang nagpaguwa sang isa ka indi-ordinaryo nga kaso medikal. Suno sa article, isa ka 44-anyos nga lalaki nga may maayo nga panglawason ang nagkadto sa ospital bangud sang 10 ka adlaw nga paggwa sang puti nga likido halin sa iya nga dughan. Ginpanginwala niya nga may kasakit siya nga nabatyagan sa dughan, kabudlay sa pagginhawa, ubo, ukon hilanat, pero sang ginhambalan siya nga isugid ang tanan nga detalye, naestorya niya nga may isa siya nga nakontra walo ka tuig ang nagligad, diin nakabaton siya sang madamo nga samad sa iya nawong, likod, dughan, kag tiyan kag gintahi man ini sang mga doktor. Tungod indi nila makita ang ginhalinan sang impeksiyon, nagrekomendar sila sang X-ray kag nasorpresa sang ila nakita nga may daku nga kutsilyo nga nabilin sa dughan sang lalaki. Sa una nga X-ray nga lateral chest radiograph, nakita ang isa ka metal nga butang nga nabilin sa tunga nga bahin sang dughan. Sa milagro, ang kutsilyo nga nagsulod paagi sa tuo nga abaga, nakalikaw sa mga importante sini nga organs. Sang tion sang insidente walo ka tuig ang nagligad, ang ospital nga nagbulong sa iya wala sang kapasidad nga maghimo sang radiological investigation, kag tungod nga wala siya sang ginabatyag nga kasakit, wala na nila ini gin-imbestigahan. Sang ini gin-operahan, nagpabilin ang pasyente sa ICU sulod sang 24 oras antes ginbalhin sa general ward para sa napulo ka adlaw. Maayo ang iya pag-ayo kag ang sunod-sunod nga check-up wala sang problema.
