Nagsaka sang duha ka porsyento ang mga rehistrasyon sa mga pangalan sang negosyo sa Department of Trade and Industry (DTI) bulan sang Agosto sini nga tuig. Sa datos gikan sa DTI, yara na ini sa 74,185 samtang kag mas mataas ini sang 1,505 kumparar sang nagligad nga tuig sa pareho nga period nga yara lamang sa 72, 680. Ang amo nga numero ang sakop sang mga rehistrasyon sang bag-o nga mga pangalan sang negosyo kag sang renewals. Sa mga sektor, nagapanguna ang wholesale kag retail trade sa may pinakadamo nga nakarehistro sa ahensya naa nasamibt nga bulan nga kun diin may yara ini sang 38, 113. Ginasundan ini sang accommodation kag food service activities nga may 10,504, kag transportation naman ang may yara sang 4,672. Sa bahin naman sang rehiyon, Region IV-A ukon CALABARZON ang nagapanguna ang sa may pinakamadamo nga rehistrasyon nga may 14,382. Ginasundan sang National Capital Region (NCR) nga may 13, 256 kag ikatatlo naman ang Central Luzon ngz may 10,956. Apang ang rehistrasyon humalin Enero tubtob Agosto sini nga tuig yara lamang sa 782, 523 nga kun diin nagnubo sang pito ka porsyento kumparar sa 838,856 sang nagligad nga tuig sa pareho nga period.
