Gindagdagan sang 3-month preventive suspension ang anay head sang Office of the Building Official (OBO) nga si Engr. Isidro Sun Jr.
Ginkumpirmar ni Bacolod City Legal Officer, Atty. Karol Joseph Chiu nga 90- days without pay ang ginpapanaog nga preventive suspension batok kay Engr. Sun kag ini ang gin-issue sang Office of the City Mayor sang Agosto 11, 2025.
Ang anay OBO head ang ginreklamo sang Grave Misconduct, Serious Dishonesty, kag paglapas sang R.A 11032 ukon Ease of Doing Business Act, kag Conduct Prejudicial to the Best Interest of the Service.
Suno kay Atty. Chiu, nakasabat naman si Engr. Sun sa suspension kag diri na magasugod ang preliminary conference.
Madumduman nga una na gindagdagan sang show cause order si Sun matapos ginreklamo sang isa ka business owner nga nagpangayo sang ₱11,000 kabaylo sang pag-process sang occupancy permit. | DYHB News